Preokupa Situasaun Politika, Lere Husu Partidu Lima Tenke Hatudu Konsiensia

Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeral Lere Anan Timur deklara nudar lider 1975 nia parte tau duvida ho sitausaun politiku neebe maka dadaun nee Timor-Leste infrenta, no husu partidu lima tenke hatudu konsesia hodi resolve situasaun poltiku nee.

Hau husu ba ita nian lider sira liu-liu partidu lima, PLP ke  nia lider ema veteranu ida ema eis titular, CNRT neebe maka hanesan, KHUNTO neebe nia lider simples patriotika no simples nasionalista, nunee mos PD partidu ida neebe ke tuan nunee mos Fretilin partidu ida neebe ke historiku, imi iha solusaun ruma kuandu mosu krize institusional krize politiku krize lideransa neebe maka mosu iha ita nian rai laran, neebe maka hau dehan kuandu aparellu estadu paradu  funsionariu hotu la simu osan saida maka imi fo resposta ba sitasaun ida nee tamba nee imi tenke hanoin,” katak Lere ba Jornalista sira hafoin remata enkontru semenal ho Prezidente Republika Francisco Guterres Lú Olo iha palasiu Prezidente Nicolau Lobato Bairo Pite, Kuarta ( 18/10/2017).

Tuir nia nudar instituisaun neebe toma konta ba area seguransa no toma lei no orden, sira iha preokupasaun oituan konaba situasaun neebe dadaun iha. Nia dehan demokrasia nee sem duvida ke iha diferensia ideia no diferensia hanoin no opiaun, nee moramal.

Xefe Estadu F-FDTL nee hateten kuandu governu monu nee, solusaun maka tenke atu resolve ba kestaun nee, buat hotu sei paradu tamba makina estadu funsiona nee so hodi osan maka nia funsiona, kuandu governu monu funsuonariu hotu tur nia fatin, idak-idak fila ba nia uma.

Iha tempu hanesan Ministru Defeza no Seguransa Agostino Sequeira Samotxo nebee maka halo enkontru ho Prezidente Republika hateten nia mai informa ba Prezidente Republika relasiona ho sistasaun neebe dadaun lao hela liu-liu sitasaun seguransa.