Parlementu Rejeita Programa Governo, Somoxo Kontinua Garante Seguransa ba Povo Tomak

Seguransa akompanha kareta deputadu CNRT Dionisio Babo no Deputadu PLP Fidelis Magalhaes sai hosi Parlamentu Nasional.

Programa VII Governo Konstitusional hetan vota rejeita ona hosi Parlementu Nasional ho votu 30 kontra no votu 35 afavor, ohin, 18/10.

Hafoin hato’o tiha statementu hodi hatan ba mosaun sensura ne’ebe hatama, Premeiru Ministru, Marí Alkatiri hatete nia sei la lori hikas programa governo mai parlementu ba segundu vez. Marí dehan mos katak sei tun ba baze hodi esplika programa hirak ne’e ba povo no militante sira.

Sekretariu Jeral iha fatin hanesan hatete katak, “situasaun sei hakmatek no povo hakmatek nafatin.”

Ministru Defesa, Somoxo, hatete katak nia sei kontinua servisu hodi garante seguransa ba povo tomak inklui ba partido opozisaun sira.

Debate Programa Governo nian ne’e halao iha loron hat nia laran deit, maski programa ona ba semana ida. To’o iha laran hat, partido opozisaun hatama mosaun rejesaun. Ikus mai akontese votasaun no mosaun rejesaun hetan afavor 35. Nune’e programa governo la pasa.

*tafara.tl