Lere Preokupa Situasaun Politika Duke Situasaun Kalan

Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeral Lere Anan Timur latau preokupasaun ba sistasaun atual neebe dadaun iha, relasiona iha tempu kalan   mosu krimi tamba konsidera ida nee nudar krimi organizadu.

Sitausaun kalan kalan nee ita lalika preukupa ida nee, ba hau lapreukupa ida nee tamba ida krimi da neebe ke organizadu ohin kaer baku hatama ba kadeia problema rezolvidu,” dehan Lere ba Jornalista sira hafoin remata enkontru semenal ho Prezidente Republika Francisco Guterres Lú Olo, iha palasiu Prezidente Nicolau Lobato Bairru Pite, Kuarta (18/10/2017).

Nia hateten nia parte preukupa maka situasaun politika neebe dadaun nee mosu, tamba bele hamosu krizi institusional. Krize politiku maka nia Preukupasaun, kuandu krize institusional, krize politiku, joven sira han malu, militante ho militante han malu ida nee maka tenke preukupa.

Lere relembra katak iha krize 2006 aprende ona, Australianu, Amerika inklui nasaun barak   maka mai Timor, nasaun nee sai fali bainaka hanesan uluk Indonesia ukun Timor, Indonesia sai rai nain, Timor oan sai bainaka ba iha nia rain rasik.

Tamba nee nia parte apela ba lider historiku, osamean Timor nian hanesan Xanana Gusmao, Jose Ramos Horta no Mari Alkatiri hamutuk banati tuir Kultura tradisaun rezistensia nian neebe planu externu no internu hamutuk ho lider sira seluk hatudu ona hodi mate lori Timor-Leste ba Independensia.