La ba aprezenta tan programa iha PN, Alkatiri: “sira la konsidera hau”

Primeiru Ministru (PM) Mari Alkatiri, lakohi ona atu ba aprezenta programa VII Governu nian ba dala rua iha Parlamentu Nasional (PN) tanba Alkatiri konsidera membru PN ne’ebe maioria jovens lakonsidera nia hanesan ema otas boot ida.

“Hau la ba ona aprzenta programa VII Governu nian iha PN ba dala rua nian, tanba labarik sira ne’ebe hau konsidera sira hanesan hau nia oan, maibe sira la respeita fali hau,” hateten Mari Alkatiri, hodi responde jornalista sira wianhira fila hiaks husi Oecusse iha Aeroporto Prezidenti Nicolau Lobato, Tersa (24/10/2017).

Maske nia la ba PN, maibe PM Alkaitri sei delega Ministru Estadu balun atu lori hikas programa Governu nian ba aprezenta iha PN ba dala rua nian.

“Hau sei delega membru Governu balun sei aprsenta fila fali programa VII Governu nian ne’e,” informa PM Alkatiri, hodi lia tun mos dehan, antes atu aprezenta programa VII Governu, sei prepara dadus tuir preokupasaun deputadu balun ne’ebe presija dadus no mos kona-ba osan.

*gmntv.tl