Bazea ba rezultado hosi reuniaun Conselho Administrasaun Parlamentu Nasional iha semana kotuk liu ba, ne’ebe hetan reprezentasaun hosi Bankada Fretilin, CNRT, PLP no KHUNTO halo ona votasaun ho rezultadu unaminidade hodi kontinua halao proses alineasaun ba kareta Prado antigun ne’ebe deputadu/a III Legislatura uza ho folin ne’ebe razoavel katak tenke determina nia folin tuir Lei no aseita hodi sosa kareta foun.
Iha intervista ho Prezidente Parlamentu Nasional, Aniceto Guterresba jornalista sira hateten katak, desizaun Konselho Administrasaun nian, atu hetan apresiasaun hosi plenariu parlamentu nasional nian, imbora laiha deliberasaun, konfirma ka la konfirma ba desizaun Konselho Administrasaun nian, maibe apresiasaun ne’e hotu-hotu katak desizaun Konselho Administrasaun tenke kumpri no fo responsabilidae ba meza Parlamento Nasional, hamutuk ho Konselho Administarasaun (KA), hodi implementa desizaun KA nian no implementa ho rigor, hodi dignifika Parlamentu Nasional.
Hatan ba TAFARA.TL nia perguntas kona ba desizaun importansia hosi Konselho Administrasaun ba desizaun aleneasaun no aseita hola kareta foun?
Prezidente Aniceto hateten katak, KA halo aleniasaun ba kareta tuan maibe ho presu ne’ebe justu tuir Lei ne’ebe invigor. Parlamentu sedauk iha rezime special kona ba aleniasaun, entaun aleniasaun ida ne’e bele dehan sei lao tuir rezime jeral estadu nian, hanesan mos kalku kona ba presu.
“Nudar Prezidente hetan responsabilidade ne’ebe plenariu fo mai Meza Parlamentu, klaru katak ami tenke implementa ho rigor Lei sira ne’ebe iha ho desizaun KA nian. Inklui sosa kareta foun, mais ida ne’e laos desizaun foun legislature anterior iha tiha ona orsamento anterior para atu sosa kareta foun, no orsamentu ne’e sai tiha ona Lei, Lei Orsamentu Jeral 2017 nian no aprova ona 2016”, esplika Aniceto.
Aniceto afirma katak KA hanesan mos plenario Parlamento Nasional, fo hanoin ba Meza Parlamento no KA kumpri Lei, maibe Parlamentu hanoin katak keta nia folin ne’e karung liu karik, klaru katak prado kualidade mais sei kaer ba prinsipiu, hetan kareta ho kualidade diak, maibe ho presu kiik ida ne’e mak parese justu liu, hau bele dehan katak Meza Parlamentu sei kaer ba prinsipiu ida ne’e, justu katak tuir duni nia presu hanesan”.
Tuir informasaun hosi Prezidente Parlamentu katak liga ho presu hodi hola kareta foun, la hatene lolos nia presu hira maibe prosesu aprovajianamentu lao tiha ona, antes terseiru legislature remata, agora desizaun Konselho Administarasaun nian remata ho apresiasaun plenaria iha Parlamentu Nasional nian, meza kontinua deit prosesu ida ne’ebe lao tiha ona no kaer nafatin prinsipiu ne’ebe hau dehan, katak prinsipiu hetan fasilidade ho kualidade maibe ho presu ne’ebe rasoavel.
Relasiona ho desizaun ne’ebe membru KA foti tiha ona, iha plenaria loron 2/10, Meza Parlamentu Nasional loke diskusan hodi husu apresiasaun ba desizaun refere no bankada hotu apoiu desizaun ne’ebe membru KA foti ona, hodi fo votu unaminidade ba kontinuasaun prosesu alineasaun no desizaun hodi sosa kareta foun.
Tuir komunikadu imprensa esplika katak, Xefe Bankada PLP, Fidelis Magalhaes, liu hosi nia intervensaun hatete katak, desde inisiu Bankada PLP la ezeje atu sae kareta foun ka tuan, la ezije kareta nia marka prado ka kijang, importante mak oins adeputado sir abele hetan fasilidade hodi halao sira nia knaar hanesan fiskalizador,
Iha parte sorin Xefe Bankada CNRT, Arão Noé da Costa Amaral hateten katak, kestaun kona ba kareta, nee kompetensia KA atu halo desizaun, tuir Estatuto dos Deputados. Deputado eleitu iha direitu ba kareta ida no motorist ida, tanba ne’e importante tebe ba deputado sira bel ehetan fasilidade hodi halao servisu fiskalizasaun.
Hosi Xefe Bankada KHUNTO, Luis Gaspar esplika katak Bankada KHUNTO ho nia pozisaun katak tenke iha tratamenti hanesan ho deputado tuan, tanba hanesan reprezentante povu iha uma Fukun Parlamento Nasional, presiza duni fasilidade kareta hodi halao knaar nudar fiskalizador.
No iha parte Bankada Fretilin ho PD, hatoo sira nia statementu katak apoio nafatin saida mak KA foti tiha ona.
Desizaun iha KA mos hatete klaru katak liga ho kareta antigu tenke dada hotu, no lori mai hodi bele halo distribuisaun ba deputadu/a IV Legislatura nian.
Esplika iha komunikaddu de Imprensa Prezidente Parlamentu Nasional nian katak rezultadu hosi reuniaun KA desidi husu nafatin ba deputadu/a anterior sira, atu entrega hikas fali kareta prado ba Parlamentu Nasional hodi nune bele fasilita deputado foun sira nia servisu, hodi hein too bainhira kareta foun ba IV legislature too mai no nunee mos prosesu alineasaun bele kontinua hikas fali.
Membru efetivu ba KA ne’e kompostu hosi deputado Aurelio Freitas, hosi bankada Fretilin, Bankada CNRT, Brigida Correia, Bankada PLP, Mericio Akara, Bankada PD, Manuel Carvalho no Bankada KHUNTO, Luis Gaspar.
*tafara.tl
No comments:
Post a Comment