Treinador Karketu Dili fc, Simón Elissetche hetan sanksaun atu lebele akompanya nia jogadores sira iha jogu Liga Futebol Amadora, durante jogu dala rua tutuir malu, husi Konselho Disiplina no etika Liga Futebol Amadora (LFA) konaba aktu imfrasaun nebe halao husi treinador refere ba Arbitro Nivio Freitas iha jogu kontra ekipa Zebra fc, iha loron Sabadu, 02 de Setembro de 2017 iha Stadium Municipal Dili.
Haktuir ba atribusaun Orgaun Liga Futebol Amadora Timor Leste nian nebe hateten sai iha alinea m) artigu'2. artigu'3.no2.5 no artigu 55. no artigu 88. nebe'e hamosu regulamentu jogu tinan 2015/2016 no artigu 11..12. alinea c) no artigu 15, artigu 18. Kodigu Konduta Etika Liga Futebol Amadora Timor Leste.
Desijaun ida ne'e foti hafoin konselhu Etika no Disiplinar Liga, simu rona, analiza ba materia relatorio nebe aprezentadu husi ekipa arbitragem no match comisioner nebe lidera jogu iha momentu neba, tamba hasai liafuan la edukativu ba arbitro Nivio Freitas. Alende sensaun hodi labele partisipa iha jogu rua treinador ne'e mos hetan sanksaun koima (denda) ho valor osan 250 Dollares Amerikanu hakarek iha karta oficial no asina husi Presidente Etika no Disiplina LFA, Octavio da Concecão nebe media lfa aksesu iha loron Segunda-Feira (04/9/2017).
*ADR. UNIÃO SEI LA JOGA IHA TAÇA 12 DE NOVEMBRU NO KOIMA 5O DOLLARES KADA JOGADOR Iha tempu hanesan Konselho Etika no disiplina mos foti desijaun nebe aplika mais regorozu tuir regras nebe aplikavel iha lalaok futebol ba jogadores hotu hotu husi ekipa Adr União atu labele partisipa iha jogu Taça 12 de Novembru nebe organiza husi LFA konaba imfaksaun ho aktu komparannsia jogu (lakon WO). iha jogu kontra ekipa Atletico Ultramar (Manatuto) iha nebe maka halao iha Stadium Municipal de Dili, 25 de Agustu de 2017.
Alende sensaun ne'e Konselhu Etika no Disiplinar LFA mos fo sanksaun koima (denda) ba jogadores hotu-hotu husi klube refere nebe naran tama iha line up, ho valor osan 50 Dollares Amerikanu kada pesoa.
*LFA
No comments:
Post a Comment