Telemor Prosesa Regulasaun Rejistu Informasaun Ba Kartaun Sim Prepagu

Autoridade Nasionál Komunikasaun (ANC) lansa ona guia ba operadór hotu iha Timor-Leste kona-ba rejistu informasaun ba kliente prepagu sira bazeia ba Dekretu Lei No 9/2008 ne’ebé fó sai iha 16 Abril 2008: Kliente prepagu hotu presiza rejista informasaun. Husi ohin ba oin, kliente prepagu tomak telemor nian tenke ba loja Telemor hodi rejista informasaun molok Dezembru 2017.

Ba kliente sira be hela dook husi loja Telemor nian, bele rejista rasik uluk hodi bolu *188# no halo tuir instrusaun, depoiz lori kartaun ID ba Loja Telemor nian hodi kompleta rejistu.

Loron ikus ba kliente hodi rejista informasaun maka molok Dezembru 2017. Bazeia ba lei, asinante prepagu tomak karik to’o Dezembru 2017 maka seidauk rejista informasaun, sei desativa (Desativa servisu ida husi utilizasaun ba telekomunikasaun ruma). Kliente bele lori kartaun ID (Bilhete Identidade ba sidadaun Timor oan) ka kartaun eleitoral.

Ba kliente ne’ebé ho idade ki’ik liu tinan 18, laiha Billete Identidade ba sidadaun timor oan ka kartaun Eleitorál bele utiliza kartaun identifikasaun foto (Hanesan: kartaun Estudante, sertidaun batismu) no sertidaun moris nian ba loja Telemor.

Ba sidadaun estranjeiru bele uja Pasaporte. Informasaun ruma kliente nian ne’ebé halibur ona durante rejistu sei seguru no sei la utiliza ba merkadória ka atividade ruma. Kliente ne’ebé rejista ona informasaun sei fasil atu rekupera nia kartaun SIM karik lakon hodi ba loja Telemor.

Agora, Telemor tranzmite ona SMS hodi informa ba kliente valorizadu tomak kona-ba regulasaun ida-ne’e. Lais ba hodi implementa regulasaun ne’e. Ami sei prosesa kooperasaun ho pontu fa’an sira (Dealer) iha distritu hotu hodi permite kliente sira ba iha ne’ebá hodi rejista informasaun.

Ba klinte sira ne’ebé hela do’ok husi loja, kliente sira bele registu rasik ba premeiru hanehan *188# no tuir nia intruksaun, i mós presisa lori ita bo’ot sira nian kartaun ID ba Loja Telemor atu hodi kompleta ita bo’ot sira nian dokumentus. Ba detallu, favor bolu ba ami-nia sentru xamada 188.