Somoco: Promete Sei Dezenvolve Diak Instituisaun PNTL

Ministru Defeza no Seguransa promete katak nia sei esforsu makas atu dezenvolve diak liu tan instituisaun Polisia Nasional Timor Leste (PNTL) no instituisaun seluk neebe iha ministeriu nee nia okos atu buka kopera no sei buka servisu hamutuk.

Lia fuan hirak nee hatoo husi Ministru Defeza no Seguransa Jose Agostino Sequiera Somoco liu husi nia deskursu iha seremonia entrega servisu ministru interior ba Ministru Defeza no Seguransa foun neebe halao iha Aula Ministeriu Interior Dili Kuarta, (20/9/2017). Nia hatutan liu tan katak, nudar ministru foun iha instituisaun ida nee atu hakbit profesionalizmu.

Hau nudar ministru foun maibe iha nafatin kbit no sei servisu makas atu kopera malu ho diak atu bele halo dezenvolve diak liu tan ba PNTL, Bombeiros, no Seguransa Sivil. Nunee mos iha areia defeza nian mos. Kualia konaba programa hau sei fob a publiku liu husi media nebe iha liu husi konfrensia da imprensa konaba programa sira nebe iha,”nia kualia tan.

Ministeiru ida nee nebe toma konta ba Falintil Forsa Defeza Timor Leste (F-FDTL) no Polisia Nasional Timor Leste (PNTL) iha kbit nafatin no iha forsa atu bele dezenvolve diak liu tan instituisaun defeza no seguransa iha estadu ida nee nia laran.

Tanba iha iha ministeiru ida nee sei iha tan departementu sira hanesan seguransa sivil no bombeiros atu hadia buat nebeiha ona.


*STL