Alkatiri: Ha’u mak Halo Konstituisaun

Relasiona ho preokupasaun públiku ne’ebé kestiona konstitusionalidade nomeasaun ninian ba Primeiru Ministru, Mari Alkatiri, dehan nu’udar membru Asembleia Konstituinte, sira mak halo Konstituisaun.

Tanba ne’e, sira komprende liu saida mak Konstituisaun hateten kona-ba nomeasaun primeiru ministru nian.

“Ha'u mak halo Konstituisaun, la'ós sira mak halo,” dehan Alkatiri.
Antes ne’e, Programa Monitorizasaun ba Sistema Judisiáriu (JSMP) konsidera nomesaun Xefe Estadu ba Governu minoritáriu ne’e la kontra Konstituisaun RDTL.

Diretór ezekutivu JSMP, Luís Oliveira Sampaio, hateten termu ida governu minoritáriu, insidénsia parlamentár no grande inkluzaun mós la ko'alia iha Konstituisaun Timor nian.

Tanba, Konstituisaun artigu 106 ko’alia de'it katak, primeiru ministru nomeia husi Prezidente Repúblika ne’ebé bele mai husi partidu ne’ebé manan maioria absoluta.

Nia hatutan, atu asegura governasaun ne’e dura ba to’o tinan lima oin mai, depende ba governu ninia projesaun polítiku, planu polítiku prioridade durante tina lima ba oin.

*independente.tl