PREZIDENTE ZEBRA FC HUSU DISKULPA BA PUBLIKU FUTEBOL TL E LA TOLERA BA JOGADOR NEBE IMVOLVE

Prezidente Zebra fc, Abrão Oliveira, lori nia strutura tomak Zebra fc, nian hakarak husu deskulpa ba publiku Futebol Timor-Leste, liu liu ba ekipa Karketu Dili nudar vitima tamba nia jogador Estrangeiro Antonio Vega, hetan agresaun fisiku nebe resulta jogador refere nia ulun kuak no hetan suku kuaze 16 pontus, husi individual jogador zebra iha jogu Primeira Divisaun nebe maka halao iha loron 2 de setembru liu ba.

"Nudar Prezidenti dala ida tan hau lori strutura Zebra fc, husu deskulpa ba hahalok la fair play husi ami nia jogador balun e simu sensaun no koima nebe maka hatun husi Lfa," heteten Abrao hafoin hamutuk ho nia Maluk Prezidente klube sira reniaun ikus ho Secretario Estado Juventude e Desporto, Leovigildo Hornay iha sede Sejd, Sesta-Feira, (8/9/17).

Abrao hatutan liutan prontu simu desijaun saida deit karik sei tuir mai zebra prontu simu. "Dala ida tan hau atu hateten katak hau sei latolera no defende ba jogador hirak nebe maka hetan sensaun ida nee e Zebra fc nudar klube mos prontu simu sekarik iha sanksaun ba ami nia klube rasik," aumenta nia.

*LFA