Ekontru ba dala uluk Premeiru Ministru e Minstro do Desenvolvimento e de Reforma Institucional, Dr. Mari Alkatiri ho Prezidente da Republika, Dr. Francisco Guterres Lú Olo, hodi informa ba Xefe Estadu, kona ba disponibilidade Prezidente atu fo tomada de posse ba faze segundu VII Governu Konstituisional.
Ba Jornalista sira hafoin remata enkontru ho Prezidente Lú Olo, Premeiru Ministru, Dr. Mari Alkatiri hateten katak, objetivu ba dahuluk enkontru ida ne’e, hodi informa situasaun jeral no asumtu liga ho tomada de posse, hodi husu disponibilidade Prezidente da Republika, atu fo pose ba membru governu foin ba fase segundu iha semana oin.
Iha enkontru semanal, ne’ebe realiza iha loron 21/09, iha palacio Prezidente Bairo-pitte, hatan ba jornalista nia perguntas liga ho programa saida mak sai prioridades ba VII Governu Konstituisional? Mari Hateten katak, programa aprezenta uluk ba parlamentu, no tuir orgaun idak-idak nia kompetensia.
“Hau nia programa governasaun aprezenta uluk ba parlamentu. Klaru kopia hau sei haruka mai Prezidente para nia mos halo apresiasaun”, hateten Alkatiri.
Relasiona ho governu minoritariu asentu kadeira 30 iha Parlamentu Nasional, Jornalista sira husu, karik aprezentasaun programa iha Parlamentu Nasional bele la pasa tamba numeru opozisaun barak liu?
Mari salienta katak sei hare, “mak ita haree deit, programa ba opozisaun se mak mak vota kontra se mak vota afavor. Governu halo programa para atu servi povu ida ne’e, atu hasai Povu husi mukit, husi kiak, i atu lori dezenvolvimentu ba to’o fatin ne’ebe presija. Ne’e mak se deputadu sira vota kontra programa ida ne’e na final sira hakarak saida los?”.
Primeiru Ministru mos hakatuir liga ho 100 dias servisu VII Governu Konstituisional katak 100 dias iha ocidente mak aplika 100 dias.
“Iha ocidenti mak gosta halo 100 dias, tamba kuandu tama ba ukun estrutura i administrasaun iha ona, tomak ona, entaun sira konta ho loron. Hau la konta loron, hau konta Rezultadu”, dehan Mari Alkatiri iha nia intervista.
Iha posibilidade aban sei entrega lista Membru Governu foun ba Prezidente Republika. No serimonia dada ka hili fali liafuan juramentu Mari Alkatiri nian iha tinan 2006, sei hala’o iha Tersa ka Kuarta-feira semana oin.
*tafara.tl
No comments:
Post a Comment