Lere: Eleisaun Antisipada Sei Lamosu

Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeneral Lere Anan Timur hateten eleisaun antisipada sei lamosu, tamba partidu lima neebe maka reprejenta povu iha uma fukun parlamentu, iha nia maturidade diak.

Eleisaun antisipada katak Lere kuandu signifika desolve parlamentu, ema bolu estadu falladu, no lia fuan estadu faladu nee nia rasik la gosta atu rona, estadu faladu nee tempu uluk funu para atu integra ba iha Indonesia, maibe agora estadu la iha estadu faladu ho nunee tenke ba oin nafatin.

Agora ida ita koalia deit politilka nee atu rende fali kompara ida uluk faladu neebe maka liu husi funu maibe lao ba oin nafatin, agora mos nunee ita tenke ba oin nafatin,” dehan Lere, hafoin halao enkontru ho Xefi Estadu Francisco Guterres Lú Olo, iha palasiu presidensial, Bairo Pite, Kuarta (27/9/2017).

Nia dehan oras nee iha formasaun governu mosu kestaun ida neebe maka sensivel, tamba normalmente iha bloku governu maka partidu apoiu barak liu kompara oposisaun maibe ida nee oposisaun maka barak liu fali governu, oposisaun sai asentu maioria kompara governu neebe ho asentu minoridade.

Komadante F-FDTL Maijor Jeneral Lere Anan Timur nee hateten iha ema balun preokupa kona ba eleisaun antisipada, governu monu maibe nudar elementu seguransa lakohi akontese buat nee.

*STL