Prezidente Komisaun Diretiva Nasionál hosi Partidu Kongresu Nasionál Rekonstrusaun Timor (CNRT-sigla portugés), DionÃsio Soares Babo hateten kuadru sira hosi CNRT inklui iha governu da-hituk ka la’e depende desizaun partidu.
“Ha’u labele deside tama iha governu ka la’e, ne’e depende ba partidu koligasaun. Karik iha desizaun ruma mai mós depende aseitasaun hosi partidu (CNRT)”, DionÃsio ko’alia kestaun ne’e ba jornalista sira iha Palásiu Prezidente Nicolau Lobato, Bairu-Pité, Dili, kuarta lorokraik ne’e hafoin sorumutu ho Prezidente Repúblika, Francisco Guterres Lú Olo kona-ba partidu koligasaun asina ona akordu ba formasaun governu.
Nia dehan CNRT nia pozisaun mantein opozisaun konstrutivamente hodi kontribui ba programa dezenvolvimentu nasionál.
“Ami halo insidénsia Parlamentár lahó akordu ida. Ne’e katak apoiu ba kestaun ne’ebé liga ba interese nasionál”, Babo informa.
Kona-ba partidu koligasaun avansa ho Governu minoritária, nia hatán, ne’e desizaun perogativu Prezidente Repúblika atu deside tuir konstituisaun, tan ne’e tenke respeita.
En-prinsÃpiu, Babo informa, CNRT respeita desizaun hosi partidu koligasaun ne’ebé indizita ona Primeiru Ministru no forma governu.
Iha enkontru ho Prezidente Repúblika ne’e, Prezidente Komisaun Diretiva Nasionál-CNRT hetan akompaña hosi kuadru CNRT hanesan VirgÃlio Smith no Jacinto Rigoberto.
tatoli.tl
No comments:
Post a Comment