Interese Politika Privadu, Labele Impede Prosesu Dezenvolimentu Nasaun

Diretor Ezekutivu HAK, Manuel Monteiro Fernandes husu ba nain ulun sira mak durante nee kompete iha kampu politika, atu labele uza interese politika hodi impede dezenvolvimentu nasaun.

Deklarasaun nee nia hatoo relasiona ho kompetizasaun politika mak agora lao dadaun.

Tuir sira nia observasaun, katak Fernandes, interese politika nai ulun sira domina tebes. Kuandu asuntu nee foti as liu fali interese nasaun bele impede prosesu dezenvolvimentu nasaun.

Haree situasaun politika sira hanesan nee presiza salvasaun. Atu salva kuarda interese nasional maka partidu mais votadu neebe forma ona governasaun tenki tau interese nasaional ba fatin as liu,” hateten Fernandes ba STL iha ninia servisu fatin, Farol Dili, Segunda (18/9/2017).

Hafoin elpar, kuaze fulan rua mosu perguntas ba povu, tambasa mak governasaun foun kleur demais forma. Nia haree, iha elpar liuba nee, povu lafo fiar ba partidu politika ida atu manan maioria absoluta, mospovu lafo fiar ba partidu ida atu mesak ukun governu. Maibe rezultadu final hatudu katak, partidu Fretilin maka manan maioria simples iha elisaun. I nia husu Partidu Fretilin tenki iha komunikasaun diak ho partidu seluk.

Alende nee, nia mos haree katak, partidu politika baluiha ideolojia politika,balu laiha ideolojia politika. Agora politika sira nee kuandu lao diak,partidu sira presija iha ninia ideolojia politika hanesan. Idiolojia sosial demokratika besik liu partidu nebe ho idiolojia kapitalizmu maibe idiolojia dok liu maka sira nebe idiolozia sosialista.

Maibe realidade nebe maka akontese buat sira nee lavale. Realidade mos akontese iha governu Aliansi Maioria Parlamentar (AMP) nian maka idiolojia lahanesan entaun iha AMP laran balun hakarak ba Lorosae, balun hakarak ba Loromonu, balun hakarak ba tasi feto no balun seluk ba tasi mane entaun akontese ona dada malu.

Entaun governu monu tanba nee forma fali governu bolku nebe premeiru ministru lidera husi partidu Fretilin, tanba nee ita husu atu labele akontese tan ida nee. interese politika maka atu trata dezenvolvimentu ba povu. Tanba realidade nebe akontese maka nee saude, edukasaun, bee mos, agrikultura, no infraestrutura lao ladiak nafatin.

Realidade seluk korupsaun kontinua iha, no ema riku, riku ba nafatin nunee mos ema nebe maka kiak kontinua kiak ba nafatin. Tanba nee esperansa ba governu ida nee presija rejolve. Laos tinan bain loron maka politika nafatin. Maibe politika oinsa atu oinsa maka bele kore povu nee husi kiak no mukit.

 Konaba politika praktis nee kontinua hadau malu pozisaun oinsa atu ukun. Hetan ona konfiansa nee oinsa imi maka kualia ba malu diak bele kore povu nee husi problema sosial sira,”nia dehan.

Adjuntu Diretor Ezikutivu Komite 12 de Novembru Rogerio Castro da Cruz dehan forma governu ho emerzensia nee tuir juridiku nee kontra ona lei. Tanba antes nee kalendariu nebe tau iha parlamentu nasiona neba oinselu maibe realiade dada nafatin, ba nafatin. Governasaun lao ona membrus governu tomada de pose maibe aktividades sedauk lao normal.

Tuir ami nia observasaun maka nee ita lahatene bainhira atu lao. Governu iha ona mais maten tomada de pose ona. Mos ita hare servisu laiha normaliza situasaun nebe liu ba,”nia kualia tan.

Reprejentante Musulmanu Timor Leste no Xefe Fundasaun Mesjid An-Nur, Mohamad Anwar da Costa hateten, ema hotu nia esperansa maka nee governu ho nia membrus governu simu ona tomada de pose ona fiar nafatin ba sira katak sira sei halo servisu diak halo dezenvolvimentu ba povu ida nee. Nunee mos iha nafatin optimista katak governu nee sei dura to tinan lima mai.

“Ita nia esperansa ba governu foun maka nee ita nia membrus membrus governu simu ona tomada depose  esperamsa katak sira sei servisu diak nafatin atu halo dejenvolvimentu ba povu no nasaun ida nee. Ita tenki otimista katak governu ida nee sei dura to tinan lima,”nia reforsa.

*STL