Eis Presidenti repúblika (PR) Manuel Jóse Ramos Horta konvida presidenti da repúblika (PR) no Primeiru Ministru (PM) koko hahan ne’ebé prepara warun Metiaut, Dili. Tanba warun ne’e di’ak liu kompra ho Hotel Timor nian no Novo Turismu.
Lirak ne’e haktuir eis PR, Jóse Ramos Horta iha nia akun facebook 21/08/2017. Nia dehan, domingu loraik ne’e ho kulega balun iha tasi ibun iha Metiaut metiaut nian.
Nia dehan, ahmutuk Andre Pires, tinan 61, oan 12. Andre serbisu iha saneamentu, dasa rai, hetan $119 fulan2. Andre buka aumenta nia orsamentu ho nia rede peska, ka’er ikan ruma. Dala ruma tama, dala ruma Lia tama - vida peskador nune’e duni.
Premiadu hatuir tan, Andre nia Oan feto bo’ot sira loke warun ida iha tasi ibun, fa’an manu no ikan tunu.
Horta dehan, Warun ne’ebé Andren nia oan feto loke ne’e hanhan furak atu mate. Iha cerbeza malirin no buat seluk tan sira iha mós ki’os oan ida.
Horta husu, Presidente Republika no Primeiro Ministru bele mai han iha warun ne tanba ne hau maka hatete..hahan ne diak liu fali Hotel Timor nian no Novo Turismo.
“Hau ho Tio Andre hemu cerbeza bintang malirin furak los e Tio Pinto Amaral, tinan 45, liu besik e hau konbida nia tur ho ami.” Nia dehan.
Nia dehan, Tio Pinto Amaral ema Ledidoe e loron2 faan sabraka midar. Nia oan 3, kalan toba deit iha Merkadu Taibesi. Loron ida nia bele hatama $20; fulan ida bele hetan $600. Ne lukru ona.
Tuir nia dehan, Tio Pinto nia informasaun, Merkadu iha haris fatin, sentina, ba mane, ba feto, ketak. Loro loron ema h'amos diak fatin sentina no haris nian.
“Ami kolia rame, bintang malirin fase ami nia ka kooke Tio Andre konta istoria balun..ida ke triste uituan, tanba uluk lafaek 2 maka hela iha Metiaut. Maibe Ida mate ona, Tio Andre rasik maka hakoi. Ida seluk nani ba fatin ruma besik palasio governo.” Horta realsa.
Horta hatutan, Tio Andre fo sigaru ba Abo Lafaek wainhira nia liu ba fatin seluk. Tio Andre explika katak, se ema ruma halo at karik, na’ok ka oho, nia bele halo hamulak e Abo Lafaek sei fila no hein de’it. Ema aat ne’e tama tasi karik, Abo Lafaek ka’er kedas.
“Ne maka hau nia Domingu loraik ohin rame ho Tio Andre e nia familia doben sira, no mos ho Tio Pinto.” Dehan nia
*http://timornewsblogspot.blogspot.com/
No comments:
Post a Comment