CNRT APOIU GOVERNASAUN FRETILIN *PD prontu servi

Partidu CNRT kontinua firme iha nia desizaun politika konfernesia nian katak, la manan maioria absoluta iha eleisaun jeral, autormatikamente hela nudar opozisaun iha Parlamentu Nasional. Maibe nudar opozisaun ida konstrutivu no dinamismu hodi apoiu mos Governu FRETILIN.

Relasiona ho kestaun soberania, paz no estabolidade, partidu CNRT kontinua koopera ho partidu ne’ebe kaer Governasaun hodi hatudu sentidu Estadu ida lolos.  “Iha insidensia parlamentar, iha programas, kestaun ne’ebe relasaun ho Governativa tanba ita nia nasaun foun, ne’ebe foin tinan 15 ita iha faze konstrusaun de Estadu hanesan ema barak dehan sei frazil hela, ita lakohi ita nia povu ne’e depois eleisaun hotu tiha tenke sofre tanba prosesu dezemvolvimentu la’o la di’ak tanba deit forsa iha parlamentu la konkorda malu.  

CNRT sei halo detail forma para apoia Governu koligasaun ou Governu ne’ebe mai ho programa ne’ebe di’ak liutan,” eplika Dinisio Babo ba Jornalista sira, hafoin hasoru malu ho Prezidenti Republika (PR), Francisco Guterres Lú Olo iha palasio prezidensial, Tersa (29/8/2017). Dionisio Babo aprofunda katak partidu CNRT kontinua respeita diskusaun koligasaun ne’ebe mak oras ne’e dada’uk la’o hela.        

CNRT sei apoia no  importante maka tenke iha rezultadu ne’ebe di’ak para atu asegura establidade Governativa no bele halo dezemvolvimentu ba povu iha tinan lima mai. Dionisio esplika partidu CNRT ba opozisaun la’os ho karakter konfrontativu, opozisaun katak koopera parseria no sei apoiu mos iha prosesu Governasaun ne’e. 

Dionisio dehan apoiu partidu CNRT ho pozisaun ne’ebe mak edukativu, konstrutivu atu halo mos edukasaun ba povu katak iha prosesu kotsrusaun Estadu CNRT ba opozisaun la’os atu ba atake fali partidu ne’ebe ka’er Governasaun, maibe kontribui ba dezemvolvimentu la’o diak liutan. Iha sorin seluk, PR Francisco Guterres Lú Olo mos bolu lideransa P:artidu Demokratiku (PD).

Nune’e, Prezidenti PD Mariano Assanami Sabino deklara katak, plataforma VII Governasaun saida deit, PD kontinua komunga ho ninia moto katak nudar Maubere Oan pronto atu servisu hamutuk hodi servi rai doben Timor Leste.    

“PD prontu atu serviu, tanba ne’e PD nia mota, prinsipiu kedas ba O Timor nudar Maubere oan pronto atu servi, i laiha kondisaun, laiha rezerva, prontu servisu hamutuk no servi ita nia rai,” hateten Mariano Asanami Sabino. Mariano esplika plata forma VII Governasaun saida deit, tenke dura to’o tinan lima ninia laran (2017-2022).

Koligasaun nudar rekezitus konstitusional, insidensia parlamentar ne’ebe bele pontual fo apiou ba programa ne’ebe mak di’ak. Nune’e, Mariano dehan prosesu sira ne’e hotu hanesan inovasaun ba sosiasidade tomak katak prosesu sira ne’e di’ak. “Ha’u hanoin buat sira ne’e di’ak, importante mak ita iha Governu ida metin, forte, suadavel, i establidade Governativa ida ne’ebe maka tenke dura to’o iha 2022, ita prontu hamutuk i la’o ba oin,” afirma Mariano Asanami.

*gmntv.tl