Hanesan mos iha jogu dahuluk hasoru Thailandia, lafaek junior lakon ho skor hanesan, mak 0-3.
selesaun TL sofre golu dahuluk liu husi falta konsentrasaun iha linha defensiva nebe permite jogador Malasya, Muhammad Akhyar Abdul Rashid, konsegue marka golu ba baliza nebe segura husi guarda-redi Fernando Da Costa.
Hafoin Muhammad nia golu ida nee jogador lafaek sira hahu fo presaun makaas liu tan ba Malasya hodi la fo espasu ba jogador oponenti atu domina demais bola.
Lafaek konsegue cria oportunidade balu, maibe nein Joao Soares nein Lourenco Ximenes konsegue konverte ba golu.
Selesaun Malasya mak konsegue aumenta tan golu rua hodi kompleta rejultadu ikus 0-3 ba Timor-Leste.
Iha jogu tuir mai Lafaek Sub-18 sei hasoru Laos iha loron 10 Setembru 2017.
Artigu original husi Boletim24.com
No comments:
Post a Comment